Handtvest van Hertogh Aelbrecht, Anno 1389 op S. Nicolaes dagh
Uit Bibliotheca Enchusana
Handtvest van Hertogh Aelbrecht, Anno 1389 op S. Nicolaes dagh; Van Bastaert die sonder erfgenaem sterft, gaen de goederen van daer sy gekomen zijn.
- Aelbrecht by Goedts genade Paltsgraef op den Rhijn, &c. doen kondt alllen luyden, dat wy aenghesien hebben meeninghen trouwen dienst, die onse lieve ende ghetrouwe Stede van Enchuysen onse voorvaderen ende ons gedaen hebben, ende noch doen sal: soe hebben wy hoer gegeven ende geven als hier na geschreven staet: Soe wat bastaert ende onecht kindt poirter sterft, binnen onse Stede van Enchuysen, sonder witachtiger geboorte, soe sullen al sijn ghegheven goeden wederom, gaen van daer sy ghekomen zijn, of op die recht erfnamen, waren sy doodt, ende alle ander goeden sullen wy deelen teghens der moeders maegen ende vrienden. Ende dit voorsz. punct hebben wy belooft te houden ende te doen houden, sonder verbreecken, voor ons ende onse nakomelingen, ende alle dinck sonder argelist. In oirconde desen Brief bezegelt mit onsen Zegel, gegheven in Den Haghe, op S. Nicolaes dagh, in 't Jaer ons Heeren duysent drie hondert ende negen-en-teachtigh.
Bronnen, noten en / of referenties:
